Ауыр атлет Владимир Седовтың өліміне қатысты қылмыстық іс қозғалды

ТАЛДЫҚОРҒАН. ҚазАқпарат - Ауыр атлет Владимир Седовтың өліміне қатысты қылмыстық іс қозғалды, деп хабарлайды ҚазАқпарат тілшісі.

«35 жастағы ауыр атлеттің денесі өзі тұратын мекенжайы Қаратал ауданындағы Достық ауылынан табылды. Денесінен зорлық-зомбылық белгілері анықталған жоқ. Марқұмның туыстарының берген түсініктемесіне сәйкес, ер азамат өз-өзіне қол жұмсаған. Қазір осы суицид фактісіне орай қылмыстық іс қозғалды», - делінген Жетісу облыстық полиция департаменті баспасөз қызметінің хабарламасында.

Қазір тергеу ҚР Қылмыстық кодексінің 105-бабы, яғни өз-өзіне қол жұмсауға жеткізу фактісі бойынша жүріп жатыр.

Еске сала кетейік, қазақстандық ауыр атлет Владимир Седовтың 35 жасында дүниеден өткенін хабарлаған болтынбыз.