Австрия «ЭКСПО-2017» көрмесін өткізуде Қазақстанның кандидатурасын қолдайды - Хайнц Фишер
Бұл туралы Қазақстан Президенті Нұрсұлтан Назарбаевпен шағын және кеңейтілген құрамда өткен кездесулерден кейін «Хофбург» сарайында өткен брифингте Австрия Республикасының Федералды президенті Хайнц Фишер мәлімдеді.
«Біз түрлі халықаралық комитеттерге сайлауларда бір-бірімізге қолдау көрсетіп отырамыз, атап айтқанда, Австрия ЮНЕСКО бүкіләлемдік мұралары комитетіне Қазақстанның кандидатурасын қолдайды. Австрия сондай-ақ 2017 жылы «ЭКСПО» көрмесінің Қазақстанда өткізілуіне оң көзқарас білдіреді. Бұдан басқа, Австрия Қазақстанға БҰҰ-ның Бала құқықтары жөніндегі комитетіне австриялық кандидатқа қолдау көрсеткені үшін алғыс білдіреді және Қазақстанның БҰҰ-ның Адам құқықтары жөніндегі комитетіне кандидатурасын ұсынғанына оң қызығушылық танытуда», - деп атап өтті Х.Фишер.
Оның пікірінше, болашақта бұл Австрия мен Қазақстан арасында адам құқықтары саласындағы диалогты кеңейтіп, оң нәтижелерін береді.