Балаларды қорғау күні Павлодардың жас тұрғындары қоғамдық көлікпен тегін жүреді

ПАВЛОДАР. Мамырдың 29-ы. ҚазАқпарат /Вера Ливинцова/ - Балаларды қорғаудың халықаралық күні павлодарлық жеткіншектер қоғамдық көліктермен тегін жүретін болады,

деп хабарлайды ҚазАқпарат тілшісі. Қоғамдық көлік кәсіпорындарының ұжымдары мереке күні бала-шағаның тегін жол жүруін ұйымдастыру туралы нұротандықтардың ұсынысын бірауыздан қолдады. Маусымның 1-і күні саябақтар мен демалыс орындары, мұражайлар мен театрлар, Оқушылар сарайы мен спорт алаңдары балаларды күтеді - ол жерлерде балалар үшін қызықты ойындар, конкурстар, концерттер мен қойылымдар ұйымдастырылады.