Балуан Аманғали Бекболатов Бразилиядағы Әлем чемпионатының қола жүлдегері атанды

ПЕТРОПАВЛ. ҚазАқпарат - Солтүстікқазақстандық грек-рим күресінің балуаны Әлем чемпионатының қола жүлдегері атанды. Бұл туралы СҚО дене шынықтыру және спорт басқармасының баспасөз қызметі хабарлады.

«10-12 тамыз аралығында Сальвадор қаласында (Бразилия) жастар арасында грек-рим күресі бойынша Әлем чемпионаты өтуде. Бұл жарыста Қазақстан атынан СҚО Қызылжар ауданы Архангелка ауылының тумасы Аманғали Бекболатов шықты. 50 келі салмақ санатында жерлесіміз әлем біріншілігінің қола медалін жеңіп алды», - делінген хабарламада.

Аманғали М. Қозыбаев атындағы СҚМУ студенті, ол Ерболат Өркешовтың басшылығымен жаттығуда.