Бас мүфти Түркия дін істері басқармасы төрағасының қабылдауында болды
Кездесу барысында Мехмет Гөрмез: «Қазақстанның жауапкершілігі ауыр және абыройлы қызметке тағайындалдыңыз. Біз Қазақстанмен достық пен бауырластықта, тығыз қарым-қатынаста келе жатқан елміз. Ата тегіміз бір, шаңырағымыз бөлек туыс мемлекетпіз. Бүгінге дейін Қазақстанмен қоян-қолтық жақсы мәміледе болып келдік. Бұдан кейін де қарым-қатынасымыздың жақсара түсетініне сенімім мол», - деді.
Естеріңізге сала кетейік, Түркияның Ыстамбұл шаһарында «Жаңа үміт» және «Хира» басылымдарының ұйымдастыруымен халықаралық симпозиум өтті. 80 мемлекеттен келген Бас мүфтилер, Ислам ғұламалары, дін жанашырлары, қоғам қайраткерлері «Біртұтас жол картасы: Ижма және ортақ сана» атты тақырып аясында сүбелі ойларын ортаға салып, өзара пікір алмасуда. Қазақстан мұсылмандары діни басқармасының төрағасы, Бас мүфти Ержан қажы Малғажыұлы симпозиум жұмысына қатысып, баяндама жасады.