Батыс Қазақстан облысының әкімі Норвегия Елшісін қабылдады
Өңір басшысы мұндай кездесулердің халықаралық мәдени, саяси-экономикалық қарым-қатынастарды дамытуда рөлі зор екенін атап өтті.
Бұл сапар Оле Йохан Бернойдың Батыс Қазақстан топырағына тұңғыш сапары. Ел-жерімізбен танысуды мақсат еткен Елші бұдан әрі Атырауға, Ақтау, Алматы және Астанаға ат басын тіремек.
«Менің іссапарымның мақсаты - аймақтармен жақынырақ танысу. Батыс аймағы - Қазақстандағы даму қарқыны жоғары өңірлердің бірі. Сіздерде біздің елмен экономикалық ынтымақтастық орнатуға алғашқы қадамдар жасалуда. Мәселен, норвегиялық жабдық - сорғыны қолдана бастадыңыздар. Орал өте әдемі қала екен, театрға бас сұғып, басты көшелерімен жүрдім. Мұндағы климат та Норвегиядағыдай. Алда екі елді өзара тиімді ынтымақтастықтың зор мүмкіндігі күтіп тұр деп ойлаймын», - деді Елші.
