Батыс Қазақстанда ауа райы күрт өзгереді

ОРАЛ. Тамыздың 24-і. ҚазАқпарат /Елжан Ералы/ - БҚО-да «Қазгидромет» РМК мәліметіне сәйкес, тамыздың 24-25-інде ауа райы күрт өзгермек.

Облыстық төтенше жағдайлар департаментінен ҚазАқпарат тілшісіне хабарлағанындай, осы күндері батыстан соққан желдің жылдамдығы секундына 18-23 метрге жетеді. Осыған байланысты тиісті мекемелерге ескерту беріліп, болуы мүмкін төтенше жағдайлардың алдын алу бағытында шаралар алынды.