Батыс Қазақстанда дауыл тұрды

ОРАЛ. 1 шілде. ҚазАқпарат - «Қазгидромет» РМК БҚО филиалының мәліметіне қарағанда, Батыс Қазақстан облысында 1-2 шілде күндері Орал мен өңірдің кей жерлерінде шаңды дауыл тұрып, солтүстік-шығыстан соққан желдің жылдамдығы секундына 15-20 метр, екпіні 25 метрге дейін жетеді.

Облыстық төтенше жағдайлар департаменті осыған байланысты тиісті мекемелерге ескерту жасады. Төтенше жағдайлардың алдын алу бағытында шаралар алынуда.

Қазіргі кезде Орал қаласында жел күшейіп, шаң көтеріліп тұр.