Батыс Қазақстанда мүмкіндігі шектеулі жасөспірімдерге спорттық киімдер табыс етілді

ОРАЛ. 20 қараша. ҚазАқпарат - Мүмкіндігі шектеулі жасөспірімдерді, жастарды қолдау мақсатында БҚО мүгедектер қоғамының Ақжайық аудандық филиалы «Нұр Отан» партиясы аудандық филиалымен бірлесе отырып, үлкен шара өткізді.

Олар аталған топтағы 16-19 жастағы 45 ұл-қызға спорттық костюмдер табыс етті. Бұлар - ауданның 15 ауылдық округінен келгендер.

Алдағы уақытта сондай-ақ, мысалы, мүгедектердің спорттық жарыстары, мүмкіндігі шектеулі жас отбасылар үшін қайырымдылық шаралары өткізілмек.