13:42, 13 Ақпан 2013 | GMT +5
Батысқазақстандық оқушы «ХХІ ғасыр көшбасшысы» зияткерлік сайысының маусымдық кезеңіне жолдама алды
ОРАЛ. 13 ақпан. ҚазАқпарат - Дарынды балаларға арналған С.Сейфуллин атындағы №11 облыстық мектеп-интернаты кешенінің 10-сынып оқушысы Еркежан Бекжан «ХХІ ғасыр көшбасшысы» зияткерлік сайысының апталық, айлық ойынында жеңімпаз атанып, маусымдық кезеңіне жолдама алды.

Еркежанның айтуынша, облыстық іріктеу Орал қаласында қазан айында өткен. «Бұл ойын білім-білігімізді сынауға зор мүмкіндік береді. Психологтармен жұмыс істеу өте қызық. Тренингтер өз-өзіңе сенімді болуға, жауапкершілікті сезінуге үйретеді. Бірақ түсірілім кезінде қобалжу байқалады. Жауапты біліп тұрып, тетікті басып үлгермей қалған кезде аздап өкініш те болады. Танымал журналист Дана Нұржігіттің ойынды жүргізуі қатты ұнады. Енді маусымдық ойынға дайындалудамын», - деді Еркежан.