Батысқазақстандықтар Ораза айт мейрамын тойлауда

ОРАЛ. Қыркүйектің 9-ы. ҚазАқпарат /Елжан Ералы/ - Батысқазақстандықтар Рамазан айынан кейінгі айт мейрамын тойлауда,

деп хабарлайды ҚазАқпарат тілшісі.

Қыркүйектің 9-ы күні орталық мешітке жамағат көп жиналды. Көпшілікті Қазақстан мұсылмандары діни басқармасы БҚО бойынша өкіл имамы Смайыл Сейітбек құттықтап, ізгі тілегін арнады.

Қала әкімі Самиғолла Оразов жиналған жұртшылықпен бірге болып, айт намазына қатысты. Айт дастарханынан дәм татып, тілегін арнады.