Бейжің Олимпиадасының жүлдегері мекен-жайын өзгертпекші

АҚТӨБЕ. Маусымның 3-і. ҚазАқпарат /Мирал Жармұхамбетов/ – Бейжіңдегі Олимпиада-2008-дің қола жүлдегері Еркебұлан Шыналиев Ақтөбеге көшіп келетін болды.

Бұл жөнінде бүгін Ақтөбе облыстық бокс федерациясының отырысында оның төрағасы ? қала әкімі Архимед Мұхамбетов мәлім етті, деп хабарлайды ҚазАқпарат тілшісі.Отырыста айтылғанындай, болашағы мол және атақты қазақстандық боксшыны шақырудағы басты мақсат ? спорттың осы түрін одан әрі дәріптеу және жарыстарда Ақтөбе облысының лайықты өнер көрсетуі.Е.Шыналиев ҚР еңбек сіңірген жаттықтырушысы Әлімбек Балмағамбетовтың басшылығымен жаттығатын болады. Өткен жылы оның шәкірті, әлем чемпионы, екі Олимпиада ойындарына қатысушы Галиб Джафаров өзінің спорттық мансабын аяқтаған болатын.