Білім министрі Б.Жұмағұлов жұмыс сапармен Өскеменге келді

ӨСКЕМЕН. 20 сәуір. ҚазАқпарат - ҚР Білім және ғылым министрі Бақытжан Жұмағұлов жұмыс сапарымен Өскемен қаласына келді.

Сапар аясында министр машина жасау және «Азия Авто» зауыты үшін кадрларды дайындау және қайта даярлау өңіраралық орталығында, бірқатар оқу орындарында болады. Олардың қатарында №3 көпбейінді гимназия орта мектебі, С.Аманжолов атындағы ШҚМУ бар.

Сонымен қатар Б.Жұмағұловтың Өскемен техникалық колледжінің оқу-өндірістік базасымен және оқу орнының «Жұмыспен қамту-2020» бағдарламасын жүзеге асыру барысымен танысуы жоспарланған.