Бір топ әскери байқаушылар Алматы облысында болды

ong>ТАЛДЫҚОРҒАН. Қазанның 30-ы. ҚазАқпарат /Сандуғаш Дүйсенова/ - Вена құжатына және үш халықаралық ұйымға қатысушы 24 мемлекеттің әскери байқаушыларының тобы Алматы облысында болды.

Қазақстанның Еуропадағы қауіпсіздік және ынтымақтастық ұйымының әскери-саяси өлшемі саласындағы  халықаралық міндеттемелерді  орындауымен танысу мақсатында келген  әскери байқаушылар  үш күн бойы  ҚР   Қарулы күштерінің әуе базасын және десанттық-шабуылдаушы бригадасымен  танысты.

Десанттық-шабуылдаушы бригадалар мен авиабаза командирлері қонақтарға өздеріндегі қолданыстағы барлық қару-жарақтарды таныстырды және бөлімдердің құрылу тарихы мен құрылымы, қызметтері мен мақсаттары туралы әңгімелеп берді. Екінші күні байқаушылар ҚР Қарулы күштері Әуе қорғанысы күштерінің 604-ші авиациялық базасындағы  қару-жарақтардың негізгі жүйелерімен, техникаларымен және ұшақтармен  танысты.