Бірқатар британдық кәсіпкерлер мен қаржыгерлер Орталық Азияны инвестиция үшін басымдықты нарық ретінде қарастыруда

ЛОНДОН.   Қазанның  31-і. ҚазАқпарат /Бэла Құдайбергенова/ -    Халықаралық  кәсіпкер   Элияр  Әлиевтің  айтуынша, бірқатар британдық     кәсіпкерлер мен  қаржыгерлер Орталық  Азияны    инвестиция үшін басымдықты нарық ретінде  қарастыруда.   

Британ  Парламентінде  Орталықазиялық топтың құрылуы   бизнестегі  және  саясаттағы ықпалдасу  үдерісін жеңілдететін болады,  дейді    кәсіпкер.

«Қазақстан  барлық мақтауға   лайық,  себебі    ол   өте жақсы дамып  келеді.  Мен        бірнеше рет  Алматыда  болдым.   Маған    ол   елдің адамдары,  олардың  тірліктері    ұнайды.   Менің  ойымша, іскер Батыс     республикада    жұмыс істеуге   өте мүдделі»,  дейді   халықаралық кәсіпкер  Э.Әлиев.