Биылғы жылы Талас ауданында сегіз ауыл газбен қамтылады

ЖАМБЫЛ ОБЛЫСЫ. Наурыздың 11-і. ҚазАқпарат /Галина Скрипник/ – 2009 жылы Жамбыл облысының Талас ауданында тағы сегіз елді мекен газ магистралына қосылатын болады,

деп хабарлайды ҚазАқпарат тілшісі Жамбыл облыстық әкімдігінің энергетика және коммунальдық шаруашылық басқармасына сілтеме жасап.Аққұм, Бостандық, Талапты, Ойық, Тамабек, Шәкіров, Сейілбек және Жаңатұрмыс ауылдарын газға қосу жобасы мемлекеттік сараптамадан өтті, жобалау-сметалық құжаттамаларын даярлауға арналып облыстық бюджеттен 7 миллион теңге бөлінді. Жұмыстың жалпы сметалық құны ? 591,5 миллион теңге, қаражат облыстық бюджеттен бөлінді.