Біздің халқымыз бен Ассамблея - тату-тәтті қатар өмір сүрудің жарқын бір үлгісі - Т.Кузина
Татьяна Ивановна ТМД елдеріндегі ең ірі этномәдени бірлестік болып табылатын осынау павлодарлық орталықты 15 жыл бойы басқарып келеді. Ол кісі жыл сайын славян мәдениеті және жазуы фестивальдерін, жастар арасында орыс әдебиетінен конкурстар ұйымдастырып отырғаны үшін Ресей Федерациясының «Пушкин» медалімен марапатталған. Славян орталығында «Славянка» фольклорлық вокалдық ансамблі, «Рябинушка» ардагерлер хоры, «Раздолье» хореографиялық ансамблі ұйымдастырылған. Масленица және Наурыз мерекелері Павлодар халқы жақсы танитын осынау өнер ұжымдарынсыз өтпейді, олар сондай-ақ Қазақстан халқының мәдениеті мен өнерінің жыл сайынғы облыстық фестивальдеріне қатысады.
Татьяна Кузина жастарға да үлгі болып отырған тұлға, Славян орталығында жастардың патриоттық клубы жұмыс істейді.
«Біздің халқымыз бен Ассамблея - тату-тәтті қатар өмір сүрудің жарқын бір үлгісі. Біз, қоғамымыздағы тұрақтылықты сақтай отырып, тарих көрсеткен барлық сынақтың тезінен аман-есен өттік. Әрі қарай да осынау бейбіт өлкеде өмір сүре береміз - біздің балаларымыз өз тілдерін сөйлейтін, өз салт-дәстүрлерін сақтайтын, бірін-бірі құрметтейтін және Қазақстанның ашық аспаны астындағы ортақ шаңырақта бірге өмір сүретін болады», дейді Татьяна Ивановна.
