«Бизнестің жол картасы-2020» бағдарламасының қатысушылары мүгедектерге тігін цехын ашуға жәрдемдесті - Алматы облысы

ТАЛДЫҚОРҒАН.ҚазАқпарат-«Бизнестің жол картасы - 2020» бағдарламасының қатысушылары Алматы облысында мүгедек кәсіпкерлерге тігін цехын ашуға жәрдемдесті.

ЖК «Матрац АЯ», «Salben Group» ЖШС, «Маккария» ЖШС, «Фирма Демеу» ЖШС, К «Вайнах» КШ, «Finn Disp» ЖШС басшылары «БЖК-2020» мемлекеттік бағдарламасы бойынша кредит алып, өз бизнестерін іске асырып, кеңейтуге мүмкіндік алды. Аталған компаниялар жеті көп функционалдық тігін машинасын сатып алып, иүгедектерге демеуші болды. Ал «Демеу» қоғамдық мүгедектер бірлестігі шағын тігін цехын ашу үшін үй-жай берді. Бұдан бұрын Алматы облысында «Даму-Көмек» бағдарламасы бойынша 132 мүгедек кәсіпкерге демеушілік қолдау көрсетілді.