БҚО-да бірінші тоқсанда 27,1 млрд. теңге инвестиция салынды

ОРАЛ. 19 сәуір. ҚазАқпарат /Елжан Ералы/ - Биылғы бірінші тоқсанда облыс экономикасына 27,1 млрд. теңге инвестиция құйылды.

Облыстық статистика департаментінен хабарлағанындай, үш айда инвестицияның басым бөлігі, атап айтқанда, 74,2 пайызы өнеркәсіпке салынды. Сондай-ақ 8,2 пайызы - көлік пен қоймалау, 7,0 пайызы - кәсіби, ғылыми және техникалық қызмет, 3,0 пайызы - жылжымайтын мүлікпен жұмыс, 2,1 пайызы - білім беру, 1,5 пайызы сауда саласына бағытталды.

Өңірде инвестициясының көптігі жөнінен Бөрлі (15,7 млрд. теңге), Зеленов (7,0 млрд. теңге) аудандары мен Орал қаласы (3,6 млрд. теңге) алда тұр.