БҚО-да коммуналдық қызметтер үшін қарыз 213,2 млн. теңгені құрап отыр

ОРАЛ. 25 қазан. ҚазАқпарат - Батыс Қазақстан облысында коммуналдық қызметтер үшін тұтынушылар қарызы 213,2 млн. теңгені құрап отыр.

Облыс әкімдігінен түскен мәліметке қарағанда, соның ішінде тұрғындар берешегі 212,1 млн. теңге болса, осының 194,2 млн. теңгесі - жылу, 5 млн. теңге - электр қуаты, 11 млн. теңге - су, 1,9 млн. теңге - газ үшін қордаланған қарыз.

Жергілікті әкімдіктер коммуналдық кәсіпорындармен бірлесе отырып, қарызды өндіру жұмыстарын ұдайы жүргізуде.