Брюссельде ҚР депутаттары Еуропарламентпен арадағы ынтымақтастықты дамыту мәселесін талқылады

БРЮССЕЛЬ. 6 наурыз. ҚазАқпарат - Мәжіліс төрағасының орынбасары, «Қазақстан Республикасы - Еуропалық Одақ» парламенттік ынтымақтастығы комитетінің теңтөрағасы Сергей Дьяченко басқарып келген ҚР Парламентінің делегациясы Брюссельде саяси партиялар, комитеттер фракцияларының басшыларымен,

 Еуропарламент жетекшілерімен бірқатар кездесулер өткізіп, Еуропаның басты заң шығарушы органымен арадағы қарым-қатынастардың дамытылуын талқылады.

 Бұл туралы өткен кездесулердің қорытындылары бойынша қазақстандық журналистерге ҚР Парламенті Мәжілісі төрағасының орынбасары С.Дъяченко хабарлады.

 «Біздің мақсатымыз - Еуропарламенттің қызметімен танысу. Біз түрлі фракция өкілдерімен, Еуропарламент жетекшілігі және танымал еуропалық саясаткерлермен заманның көкейкесті мәселелерін талқылап, болашақ ынтымақтастықтың келешегін белгілейміз, сондай-ақ жанасу нүктелерін табамыз. Қазақстанға, өткізіліп жатқан реформаларға деген қызығушылық, сондай-ақ біздің елімізде болып жатқан үрдістерді түсіну айқын екенін атап өту керек», - деді С.Дъяченко.

Мәжіліс төрағасы орынбасарының айтуынша, биылғы жылдың қазан айында өтуі тиіс «Қазақстан-Еуроодақ» парламенттік ынтымақтастығы комитетінің отырысына дайындық талқылау тақырыптарының бірі болды.

Қазақстандық парламенттік делегациясының Еуропарламентіке жасаған сапарының бірінші күнінде Еуропарламент төрағасының орынбасары Мигель Анхель Мартинес Мартинеспен, «Социал-демократтардың озық альянсы» тобының төрағасы Ханнес Свободамен, сондай-ақ «Еуропалық консерваторлар мен реформашылар» тобының төрағасы Мартин Каллананмен кездесулер өтті.

Бүгін қазақстандық депутаттардың ЕП-тің ҚР бойынша делегациясының төрағасы Паоло Бартолоццимен,  ЕП-тің адам құқықтары бойынша кіші комитеті төрағасының орынбасары Метин Казакпен, ЕП-тің ҚР бойынша делегация мүшелері - Вилья Сависаар-Тоомаст және Богдан Марцинкевичпен, «Социал-демократтардың озық альянсы» тобы төрағасының орынбасары Либор Ручекпен, ЕП-тің ҚР бойынша делегациясы төрағасының орынбасары Николь Киил-Нильсенмен кездесулері болады деп күтілуде.

Қазақстандық тараптан жүздесулерге ҚР Парламенті Мәжілісі төрағасының орынбасары Сергей Дьяченко, халықаралық істер, қорғаныс және қауіпсіздік комитетінің мүшесі, ҚКХП-ның төрағасы Владимир Косарев, Мәжілістің экономикалық реформа және аймақтық даму бойынша комитетінің мүшесі, «Ақ жол» ҚДП төрағасы Азат Перуашев, Мәжілістің экономикалық реформа және аймақтық даму  комитетінің мүшесі Айгүл Соловьева қатысады.