Бүгін республиканың батысында ауа температурасы төмендеп, жауындар тоқтайды - Қазгидромет

АНА. 12 ақпан. ҚазАқпарат - «Қазгидрометтің» болжауынша, бүгін 12 ақпан күні Қазақстанның басым аумағы атмосфералық ағымдар ықпалында болады.

Республиканың батысына циклонның ығысуымен, ауа температурасы төмендеп, жауындар тоқтайды.

Мәселен, Ақмола, Солтүстік Қазақстан, Павлодар және Шығыс Қазақстан облыстарында кей жерлерде бұрқасындатып, 15-22 м/с екпінде жел соғады. ШҚО-ның Жарма ауданында түнде желдің күші 25-28-ге дейін күшейеді деп күтілуде.

Алматы облысында кей жерлерде - көктайғақ, желдің жылдамдығы 15-20, Жалаңашкөл аумағында 20-25, кей уақыттары 30 м/с-қа дейін жетеді.

Қостанай және Қарағанды облыстарында түнде - бұрқасын, секундына 15-22 метр жылдамдықта жел тұрады, Қарағандыда сондай-ақ көктайғақ күтілуде.

Оңтүстік Қазақстан облысының жекелеген аумақтарында, түнде Жамбыл облысында тұман болады, желдің күші 15-20 м/с-ты құрайды.

Маңғыстау, Қызылорда облыстарының жекелеген өңірлерінде тұман, Маңғыстауда күндіз желдің күші секундына 15-20 метрге дейін күшеюі ықтимал.

Ал Ақтөбе облысының кей жерлерін тұман басып, түнде 18 м/с екпінде жел тұрады.