Бүгін бірнеше қалада ауа сапасы төмендейді

АСТАНА. KAZINFORM — «Қазгидромет» РМК бүгін еліміздің 9 қаласында ауа сапасы нашарлайтынын хабарлады.

— 2025 жылғы 8 қазанда Қарағанды, Жезқазған, Балқаш, Теміртау, Өскемен, Ақтөбе, Алматы, Астана қалаларында, түнде Қостанайда қолайсыз ауа райы күтіледі, — делінген хабарламада.

Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жел, тұман, инверсия) жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.

Айта кетейік, синоптиктер ауа райына байланысты бірқатар өңірде ескерту жариялады.