Бухаресте қазақстан-румын сауда-экономикалық байланысы талқыланды

АСТАНА. Сәуірдің 5-і. ҚазАқпарат - Қазақстан Республикасының Уақытша сенімді өкілі Қайрат Аман Бухаресте Румынияның Сауда-өнеркәсіптік палатасының төрағасы Михаил Власовпен кездесу өткізіп, екіжақты сауда-экономикалық байланысының ағымдағы жағдайы мен оны дамытудың келешегін талқылады,

деп хабарлады Сыртқы істер министрлігінің баспасөз қызметінен.

Наурыздың 31-інде өткен кездесуде М.Власов кәсіпкерлік саласындағы мемлекеттік реформалар туралы хабардар етті. Атап айтқанда, инвестициялық жобаларға қатысты мәселелердің барлығы бүгінгі таңда мемлекеттің құзырынан Сауда-өнеркәсіптік палаталардың қарауына берілгенін айтып өтті.

Румынияның Сауда-өнеркәсіптік палатасының сондай-ақ, шілденің 1-інде Астанада өтетін іскерлік форумына «Атамекен» кәсіпкерлер одағының шақыруы бойынша қатыспақ ниеті туралы хабарлады.

Қ.Аман өз кезегінде, Қазақстанның Румыниямен тығыз қарым-қатынас орнатуға мүдделілігін қуаттады. Дипломат румын кәсіпкерін Президент Н.Назарбаевтың Қазақстан халқына Жолдауы мен «Еуропаға жол» мемлекеттік бағдарламасының негізгі баптарымен таныстырып өтті.