Чехия Республикасының Президенті В.Клаус Қазақстан басшысы Н.Назарбаевты салтанатты түрде қарсы алды

  ПРАГА. 23 қазан. ҚазАқпарат - Чехия Президенті Вацлав  Клаус бүгін «Прага грады» астаналық резиденциясында Қазақстан басшысы Нұрсұлтан Назарбаевты қарсы алды.

Екі елдің Әнұрандары шырқалған соң, мемлекет басшылары келіссөздер жүргізу үшін резиденцияға кірді. Атап айтқанда, кездесу барысында президенттер екіжақты қарым-қатынасты дамытудың жағдайы мен болашағын ортаға салады.

Бұл ҚР Президентінің Чехия Республикасына тәуелсіздік жылдарындағы алғашқы сапары екенін атап өту қажет.