Дәурен Абаев БАҚ туралы заң жобасының кезекті нормаларын түсіндіріп өтті

АСТАНА. ҚазАқпарат - ҚР Ақпарат және коммуникациялар министрі Дәурен Абаев өзінің фейсбук парақшасында ақпарат және коммуникациялар саласында қатысты заң жобасын түсіндіретін видеожолдауды жария етті, деп хабарлайды «ҚазАқпарат» ХАА тілшісі.

«Қазіргі уақытта Ақпарат және коммуникациялар саласында қатысты заң жобасы Парламентте қаралып жатыр. Осы жобада қандай жобалар көзделген? Қандай өзгертулер бар? Бүгін осы мәселелерге қатысты қысқаша тоқталып өтемін. Соның ішінде ең көп талқыланған нормаларды мысалға алып отырмыз», - дейді Дәурен Абаев.

Еске салайық, министр Парламент қарауына ұсынылған ақпарат және коммуникация саласындағы заң жобасына енгізілген және медиа қауымдастықта резонанс тудырған ең даулы нормаларға қатысты министрліктің ұстанымын білдіретін бейнежазбаны бұған дейін де жариялаған болатын.