Демалыс күндері 4 адам суға кеткен - ОҚО

ШЫМКЕНТ. 10 шілде. ҚазАқпарат - Сырдария өзеніне 6 шілде күні елорданың 55 жастағы тұрғыны батып кетті.

Оның мәйіті судан келесі күні шығарылды.

Қайғылы оқиға 7 шілде күні Түлкібас ауданында да орын алды. 25, 20, 19 жастағы үш ер адамның ажалы судан болған. Қазір олардың қаза табуының себептері анықталу үстінде.

Жалпы өңірде 1 мамырдан бері 17 адамның суға кеткені тіркеліп отыр. Олардың ішінде 8-і балалар.

Құтқарушылардың айтуларынша, көбіне шомылу кезінде қарапайым қауіпсіздік ережелерінің сақталмауы қайғылы жағдайға соқтырады.