Демалыс күндері Оңтүстік Қазақстан облысының жолдарында 18 жол-көлік апаты болды

ШЫМКЕНТ. 25 сәуір. ҚзаАқпарат /Татьяна Пылаева/ - Демалыс күндері Оңтүстік Қазақстан облысының жолдарында 18 жол-көлік апаты болды,

деп хабарлады ОҚО Ішкі істер департаментінің баспасөз қызметі.

«23-24 сәуірде облыс жолдарында 18 жол-көлік апаты орын алып, оның барысында алты адам қаза тауып, жиырма төрт адам ауруханаға жеткізілді», - делінген баспасөз қызметі таратқан ақпаратта. Шымкентте демалыс күндері 3 жол-көлік оқиғасы тіркеліп, онда төрт адам түрлі дене жарақаттарын алды, қаза тапқандар жоқ.