Депутат С.Ферхо Шығыс Қазақстан жұртшылығымен кездесті

АСТАНА. 4 шілде. ҚазАқпарат - ҚР Парламенті Мәжілісінің депутаты Светлана Ферхо Шығыс Қазақстан облысының Зырян ауданының сайлаушыларымен кездесті.

Бұл туралы Мәжілістің баспасөз қызметінен хабарлады.

Мәжілісмен №6 орта мектеп ұжымымен, қала белсенділерімен, ардагерлер кеңесімен және аудандық мәслихат депутаттарымен, қала мен аудан жастарымен жүздесті. Туберкулезге қарсы диспансерді, Шолохов көшесіндегі балабақшаны көрді.

Халық қалаулысы Маяк, Тұрғысын, Первороссийский, Октябрь ауылдарында болып, азаматтарды жеке мәселелері бойынша қабылдады.