Диспансерлік есепте тұрғандарға дәрі-дәрмек тегін беріледі - БҚО

ОРАЛ. 1 наурыз. ҚазАқпарат - Диспансерлік есепте тұрғандарға дәрі-дәрмек тегін беріледі. Бұл туралы облыстық денсаулық сақтау басқармасы мемлекеттік сатып алу және дәрі-дәрмекпен қамту бөлімінің бастығы Шәрбану Исқақова мәлім етті.

Оның айтуынша, 37 ауру бойынша 100-ден астам дәрілік заттар жергілікті қазынадан, ал 13 ауру бойынша 70-тен астам дәрі түрлері рес­пуб­лика­лық бюд­жеттен  тегін беріледі. Бұрын дәрі-дәрмекті жеңіл­дікпен, яғни 50 пайызын төлеп алып жүрген амбулаторияда емделушілер 2012 жылдың ба­сынан дәрі-дәрмекті тегін алу­­да. Бұл  - жағдайы төмен отбасылар мен зейнеткерлер үшін көп кө­мек. Тегін дәрі диспан­серлік есепте тұрған­дарға жә­не дәрісі тегін берілетін сырқат түрімен ауы­ратындарға бері­леді. Науқас те­гін дәріні дә­рігерге барып қа­рал­ғаннан ке­йін жақын маң­дағы дәріха­на­дан алады. Ал егер науқас бас­қа қалада жүр­ген болса, сол қаланың дәрі­ханасы ол дәріні босатуға тиіс­ті. Дәрілер «Талап» АҚ-ның дәріханаларында босатылады. Облыста осындай 26 дәріханада жұмыс істеп тұр, соның 10-ы - қалада, ал 16-сы аудан орталығында ор­на­ласқан. Тегін дәрілер дә­рігердің рецепті бойынша жеке бас немесе баланың туу туралы куәлігі, сондай-ақ оның нотариуспен шан­дырылған кө­шірмесімен де беріледі.

Жергілікті бюджеттен тегін дә­рілер мына фактор-диагноздар бойынша беріледі: 

- жаңа туған екі айға дейінгі сәбилер, бала мен ана қоб­дишасы, емшектен ерте қалған, жасанды немесе аралас сүтпен қоректенетін  бір жасқа дейінгі сәбилер;

- өткір фарингит, тонзилит, бронхитпен (0-5 жасқа), рахитпен (1 жасқа дейін) ауыратын ба­лаларға, темір жетіспеушілігі, анемия  (0-18 жасқа дейінгі ба­-
лалар) және есепте тұрған әйелдер;

- коронарлық шунттау отасынан және стенттен өткен, жүрек клапаны ауыстырылғандар, жү­ректің ишемиялық ауруы, созылмалы жүрек жетіспеушілігі, артериалдық гипертензия, аритмии, пневмония (5-18 балалар мен ересектер) ауруларының  барлық түрімен есепте тұр­ғандар.