Е.Қожағапанов шығысқазақстандық спортшылармен кездесті

ӨСКЕМЕН. 20 сәуір. ҚазАқпарат - Бүгін Өскемендегі дене тәрбиесі және сауықтыру кешенінің үлкен залында ҚР Спорт және дене шынықтыру істері агенттігінің төрағасы Ерлан Қожағапанов спортшылармен, спорт ардагерлерімен кездесті.

Ұлттық спорт ведомствосының басшысы өңірдің спортшыларымен дәл осындай кездесуді Риддер қаласында да өткізуді жоспарлап отыр. Онда «Қазақстан-2050» Стратегиясының негізгі ұстанымдарының бірі дене тәрбиесі мен спортты дамыту бағыты талқыға түспек.

Сонымен қатар осы қалада 2014 жылы Сочиде өтетін ХХІІ қысқы Олимпиада ойындарына қазақстандық спортшылардың дайындығы және қатысуы бойынша жедел штабтың көшпелі отырысы өтеді.