Елдегі майлы дақылдардың көлемі 2008 жылмен салыстырғанда 280,0 мың гектарға ұлғайды - Ауыл шаруашылығы министрлігі

АСТАНА. Қарашаның 3-і. ҚазАқпарат /Айдар Оспаналиев/ - Өсімдік шаруашылығын диверсификациялау аясында майлы дақылдардың көлемі 2008 жылмен салыстырғанда 280,0 мың гектарға ұлғайды.

Елдегі мал азығына қажетті дақылдар 162,7 мың гектарды, жеміс-жидектер 4,0 мың гектарды ал көкөніс және картоп дақылдарының алқабы 8,2 мың гектарға кеңейген.

Сондай-ақ министрліктің мәліметтері бойынша, елде мал азығы ретінде пайдаланылатын шөп егілетін аймақтар соңғы жылдары тым азайып кеткен. Өйткені қазір егін егетін шаруалар, мал бағуды артық бейнет көреді. Сондықтан олар үшін көпжылдық шөп егудің мәні де, маңызы да жоқ. Ғалымдардың пікірлеріне сүйенсек, аталмыш мәселені  ауыспалы егіс тәсіліне көшу арқылы шешуге болады.