Ерболат Досаев пен Элер Ганиев Қазақстан мен Өзбекстан арасындағы екіжақты қарым-қатынасты талқылады

АСТАНА. ҚазАқпарат - Қазақстан Республикасының Ұлттық экономика министрі Ерболат Досаев Өзбекстанның сыртқы экономикалық қатынас, инвестиция және сауда министрі Элер Ганиевпен кездесу өткізді. Олар қос мемлекеттің екіжақты қарым-қатынасын талқылады, деп хабарлайды ҚР ҰЭМ баспасөз қызметі.

Министрлер Қазақстан мен Өзбекстан арасындағы сауда-экономикалық серіктестік, сонымен қоса инвестициялық ынтымақтастық перспективалары жөнінде мәселелерді талқылады.

Қазақстан экономикасына Өзбекстаннан тікелей инвестициялар ағыны 2005 жылдан 2014 жылдың 1 жартыжылдығына дейін $14,9 млн. құрады.

2014 жылдың 9 айдың қорытындысы бойынша сауда айналым $1 545,2 млн. құрады.