Ереванда ҰҚШҰ қатысушы мемлекеттерінің басшылары Қырғызстандағы жағдайды талқылайды

ӘСКЕУ. Тамыздың 16-сы. ҚазАқпарат /Нарымбек Ысмағұлов/ - Ереванда тамыздың 20-сы мен 21-і аралығында Ұжымдық қауіпсіздік шарты ұйымының қатысушы мемлекеттері басшыларының бейресми саммиті болады.

Ұйым хатшылығының баспасөз қызметінен хабарлағандай, Армения, Беларусь, Қазақстан, Қырғызстан, Ресей, Тәжікстан мен Өзбекстанның президенттері Қырғыз Республикасындағы жағдайды талқылап, осы елдегі ахуалды тұрақтандыруға байланысты ҰҚШҰ ұжымдық шаралары мен ҰҚШҰ форматында дағдарысқа қарсы шаралар қолдану жүйесін жетілдіруге қатысты ұсыныстар әңгіме өзегіне айналды.