Еурокомиссияның Зерттеулер жөніндегі бас директоратының басшысы Қазақстан мен Еуроодақтың арасындағы екіжақты ынтымақтастықты дамытудың келешегін жоғары бағалап отыр
Тараптар Қазақстан Республикасы мен Еуроодақтың арасындағы Ынтымақтастық пен серіктестік туралы келісімді жүзеге асыру аясында бірлескен күш-жігердің арқасында айтулы үлес қосылған қазақстан-еуропалық қатынастарының артып келе жатқан қарқынын атап көрсетті. Ынтымақтастық пен серіктестік туралы келісімді қайта қарап шығу қажеттілігі туралы бірлескен мәлімдеме қабылдаудың және Қазақстан мен Еуроодақтың арасында жаңа базалық келісімді жасаудың маңыздылығына да баса назар аударылды.
Е.Өтембаевтың айтуынша, Қазақстан мен Еуроодақ экономикада, ғылым мен зерттеулер саласында өзара тиімді ынтымақтастықтың аясын кеңейтудің келешегі кемел. Еуропалық одақ сонымен бірге, алдыңғы қатарлы технологиялар мен инновациялық жетістіктерді қолданудың бай алаңы болып табылады. Осыған байланысты, жаңа құжатта тараптардың қарым-қатынастарына ғылым мен техника саласындағы өзара іс-қимылдарға, тәжірибе алмасу және аталмыш саладағы әлеуеттерді өзара тиімді қолдану мәселелеріне назар аударылуы керек.
Еуропалық тарап Қазақстанмен қарым-қатынасты дамытуға мүдделі және бұл бастаманы қолдайтынын атап көрсеткен Ж.М.Родригез, аясында ғылыми зерттеулер мен технологиялық жобалар қаржыландырылатын Еуроодақтың 2007-2013 жылдарға арналған Жетінші негізгі келісімі осынау өзара тиімді ынтымақтастықтың негізгі тетігі болуы керек екенін айтты. 2007 жылдың қаңтарынан бастап күшіне енген бұл бағдарламаның бюджеті 53,2 миллиард еуроны құрайды (бұл Еуроодақтың осы мақсатқа бұрын-соңды бөлген ең қомақты қаржы ресурсы). Қазақстан мен Еуроодақтың арасындағы екіжақты ынтымақтастықтың даму перспективасына жоғары баға беріп өтті.