Футбол: Қазақстан ұлттық құрамасына шақырылған ойыншылар белгілі болды

НҰР-СҰЛТАН. ҚазАқпарат – Қазақстан ұлттық құрамасының бас бапкері Талғат Байсуфинов қыркүйек айында өтетін ойындарға шақырылған футболшылардың тізімін жария етті, деп хабарлайды ҚазАқпарат тілшісі.

Қазақстан футбол федерациясы мәлім еткеніндей, 2022 жылғы әлем чемпионатының іріктеу матчтарына мына ойыншылар шақырту алды.

Қақпашылар: Стас Покатилов («Қайрат»), Мұхамеджан Сейсен («Тараз»), Игорь Щацкий («Шахтер»);

Қорғаушылар: Нұралы Әліп, Ян Вороговский (екеуі де – «Қайрат»), Абзал Бейсебеков («Астана»), Марат Быстров («Ахмат», Ресей), Сергей Малый, Александр Марочкин, Руслан Валиуллин (барлығы – «Тобыл»), Темірлан Ерланов, Юрий Логвиненко (екеуі де – «Ақтөбе») Әлібек Қасым («Қызыл-Жар СК»), Еркін Тапалов («Ақжайық»), Мақсат Тәйкенов («Каспий»);

Жартылай қорғаушылар: Владислав Васильев («Андижан», Өзбекстан), Бахтиер Зайнутдинов (ЦСКА, Ресей), Исламбек Қуат («Астана»), Серікжан Мужиков, Асхат Тағыберген, Самат Жарынбетов, Азат Нұрғалиев (барлығы – «Тобыл»), Рамазан Оразов («Ақтөбе»);

Шабуылшылар: Айдос Тәттібаев («Шахтер»), Артур Шушеначев («Қайрат»), Алексей Щеткин («Ротор», Ресей).

Қосалқы құрам:

Қақпашы: Дмитро Непогодов («Астана»);

Қорғаушылар: Михаил Габышев («Шахтер»), Нұрлан Дайыров («Қызыл-Жар СК»), Олжас Керімжанов («Тұран»), Бағдат Қайыров («Тобыл»);

Жартылай қорғаушылар: Сұлтанбек Астанов («Ордабасы»), Максим Федин («Ақтөбе»), Бауыржан Байтана («Тараз»);

Шабуылшылар: Абат Айымбетов («Астана»), Роман Мұртазаев («Балтика», Ресей), Оралхан Өміртаев («Шахтер»).

Айта кетейік, Қазақстан құрамасы 1 қыркүйекте «Астана Аренада» Украинаны қабылдайды. 4 және 7 қыркүйекте сырт алаңда Финляндиямен және Босниямен ойнайды.