Германиялық компаниялар технологиялар трансфертімен қатар, қазақстандық экономикаға инвестициялар мен инновацияларды да қамтамасыз етуде - ҚР Премьер-Министрі

БЕРЛИН. 25 қазан. ҚазАқпарат - Германиялық компаниялар технологиялардың трансфертімен қатар, қазақстандық экономикаға инвестициялар мен инновацияларды да қамтамасыз етуде.

Бұл туралы Қазақстан және Германия Үкіметтері арасындағы шикізат, өнеркәсіп және технологиялық салалардағы әріптестік туралы Келісімді іске асыру бойынша жұмыс тобының жетекшісі Петер Тильспен болған кездесу барысында ҚР Премьер-Министрі Серік Ахметов хабарлады.

«Шикізат, өнеркәсіп және технологиялық салалардағы әріптестікте стратегиялық ынтымақтастық бойынша қазақстандық-германиялық іскерлік кеңес маңызды рөл атқарады. Қазақстандық тарап экономиканың басты секторларындағы бірлескен жобаларды жүзеге асыруда германиялық компанияларға қолдау көрсетуін одан әрі де жалғастыратын болады», - деді С.Ахметов.