Грек-рим күресінен ҚР чемпионатында батысқазақстандықтар табысты өнер көрсетті

ОРАЛ. Қыркүйектің 29-ы. ҚазАқпарат /Елжан Ералы/ - Грек-рим күресінен Алматыда өткізілген ҚР еңбек сіңірген спорт шебері, әлем чемпионы Бақтияр Байсейітовтің жүлдесі үшін ІІІ республикалық турнирде батысқазақстандықтар табысты өнер көрсетті,

деп хабарлайды ҚазАқпарат тілшісі.

Осы жарыста БҚО құрамасы (№1 БЖСМ) командалық есепте бірінші орынға көтерілді. Сондай-ақ Айбек Марданов (46 килә), Артем Фатаков (54 килә), Искандер Шакиров (85 килә) өз салмақ дәрежелері бойынша чемпион атанды. Есжан Кенжеев пен Абай Қазиев үшінші орынды місе тұтты. Жеңімпаздардың жаттықтырушылары - Батыр Қазиев пен Мақсот Төлегенов.