Іле Алатауында үш қар көшкіні жүрді, Түрген-Батан көлік жолы жабылды

АСТАНА.12 наурыз. ҚазАқпарат - 11 наурыз күні түстен кейін Алматы облысы Еңбекшіқазақ ауданында күннің күрт жылынуынан Іле Алатауындағы Түрген өзені шатқалы бойында,

Түрген-Батан ауылы көлік жолының 18-18,5 шақырымдарында өздігінен жалпы көлемі 488 текше метр үш қар көшкіні жүрді.

Бұл туралы ҚР ТЖМ-нің баспасөз қызметінен хабарлайды.

Шығын жоқ, жол жабылды. Қазіргі уақытта жолды тазарту жұмыстары жүргізілуде.