Имам діни қызметті тіркеуден өтпей-ақ жүргізген

ТАЛДЫҚОРҒАН. Маусымның 2-сі. ҚазАқпарат /Сандуғаш Дүйсенова/ – Алматы облысы Райымбек ауданының Текес ауылында бір азамат Қазақстан мұсылмандары діни басқармасының рұқсатынсыз имам болып жұмыс істеген,

деп хабарлайды ҚазАқпарат тілшісі.Райымбек ауданының прокуратурасынан хабарлағанындай, имам тиісті құжаттарсыз діни қызметті 2008 жылдың сәуірінен бастап күні бүгінге дейін жүргізіп келген.Осы заң бұзушылық туралы аудан әкіміне хабарланды. Ол өз шешімімен Текес ауылының әкіміне сөгіс жариялады.