Ішкі істер министрлігі Шымкентте «Біз - Жеңіс мұрагерлеріміз» атты акциясын өткізіп жатыр
«Ішкі істер министрлігі Ішкі әскерінің полковник Рахметжан Шамұратов жетекшілік ететін ән-би ансамблі жексенбі күні Халықтар достығы үйінің сахнасында аталмыш акцияны бастап берді», - деп хабарлады 6506 әскери бөлімінің баспасөз хатшысы Альфия Ахметжанова.
Бұл игі шара аясында Ұлы Отан соғысы ардагерлерінің, интернационал-жауынгерлердің Шымкент гарнизоны әскерилерімен, Сабыр Рахымов атындағы Республикалық әскери мектеп курсанттарымен, Шымкент заң колледжінің студенттерімен, балалар үйлерінің тәрбиеленушілерімен және мектеп оқушыларымен кездесулері жоспарланған.
Акция аясында сондай-ақ Ішкі істер министрлігі ішкі әскерлерінің жекпе-жек бойынша республикалық біріншілігі өтеді. Бұл турнир еліміздің мемлекеттік шептерінде жауынгерлік борыштарын өтеу кезінде опат болған 6506- әскери бөлім жауынгерлерін еске алуға арналған.