Испания Үкіметінің басшысы М.Рахой келер жылы Қазақстанға сапарлау ниетін қуаттады

АСТАНА. 13 қазан. ҚазАқпарат - 12 қазан күні Қазақстан Республикасының Испания Корольдігіндегі Төтенше және Өкілетті Елшісі Бақыт Дүйсенбаев

Испанияның ұлттық мерекесі - Испан ұлтының күніне орай өткен салтанатты іс-шараларға, әскери парадқа және Испания Королі Хуан Карлос І-нің атынан ұйымдастырылған қабылдауға қатысты. Бұл туралы ҚР СІМ-нің баспасөз қызметінен мәлім етті.

Қабылдау аясында Б.Дүйсенбаев Испания басшылығы - Король Хуан Карлоспен, Үкімет төрағасы М.Рахоймен және СІМ басшысы Х.Гарсия-Маргальомен кездесті. М.Рахой келесі жылы Қазақстанға ресми сапармен баруға дайындығын құптады. Өз кезегінде Х.Гарсия-Маргальо екі ел сыртқысаясат ведомстволары басшыларының сапарларының алмасуы туралы бұрындары қол жеткізілген уағдаластықты іске асыру ниетін растады.