К. Мәсімов пен Мәскеу мэрі екіжақты қарым-қатынасты нығайтудың бірқатар мәселелерін талқылады

АСТАНА. ҚазАқпарат - Бүгін Үкімет үйінде ҚР Премьер-Министрі Кәрім Мәсімов Мәскеу мэрі Сергей Собянинмен кездесті, деп жазады primeminister.kz.

Кездесу барысында Үкімет басшысы мен Ресей астанасының мэрі екіжақты қарым-қатынасты нығайтудың бірқатар мәселелерін талқылады.

Кәрім Мәсімов Астана әкімдігі мен Мәскеу үкіметінің жаңа 2016-2018 жылдарға арналған Ынтымақтастық бағдарламасы Қазақстан мен Ресей арасындағы ынтымақтастық деңгейін одан әрі дамытуға септігін тигізетінін атап өтті.