Қ. Саудабаев пен Р.Отынбаева ҚР Президенті Н.Назарбаев ұсынған Қырғызстанның экономикасын қалпына келтіру бағдарламасының жүзеге асырылуын талқылады

АСТАНА. Қыркүйектің 8-і. ҚазАқпарат - ЕҚЫҰ-ның Іс басындағы төрағасы, Қазақстан Республикасының Мемлекеттік хатшысы - сыртқы істер министрі Қанат Саудабаев пен Қырғызстан Республикасының өтпелі кезеңдегі Президенті Роза Отынбаева телефон арқылы сөйлесті, деп хабарлайды ҚР Сыртқы істер министрлігінің баспасөз қызметі.

Сұхбаттасушылар ҚР Президенті Нұрсұлтан Назарбаевтың достық қарым-қатынастағы мемлекет үшін ұсынылған Қырғызстанның экономикасын қалпына келтіру бағдарламасының жүзеге асырылуын талқылады.

Әңгіме барысында Қырғызстанның қазіргі жағдайына, осы елде қазанның 10-ы күні болатын парламенттік сайлауға дайындық мәселелеріне ерекше назар бөлінді.

Тараптар БҰҰ мен ЕО-ның арнайы мамандары Мирослав Енчей және Пьер Морелмен бірге Қырғызстан Республикасының басшылығымен бұл елге халықаралық қауымдастық тарапынан ары қарай көрсетілетін көмек бағыттары туралы жан-жақты кеңес беру шараларын өткізетін ЕҚЫҰ Іс басындағы төрағасының арнайы өкілі, ҚР Парламент Мәжілісінің вице-спикері Жәнібек Кәрібжановтың келесі аптада Бішкекке баратындығы туралы келісімге қол жеткізді.