Қала кү­ні­не арналған мәдени-көпшілік ша­ра­лар жоғары деңгейде өтті - Талдықорған

ТАЛДЫҚОРҒАН. ҚазАқпарат - Ел экономикасымен бірге көркейіп келе жатқан облыс орталы­ғы­ның тарихы те­реңде жатыр. ХІХ ғасырдың ор­та­сында салынған Гавриловка се­ло­сының ор­­нында пайда бол­ған қалаға 1920 жылы Талдықорған деген атау бе­­ріл­­ді. Шағын елді мекен бүгінде алып шаһарға айналып ке­­леді, деп жазады «Жетісу» газеті.

Жетісудың кіндік қаласы биыл да өзінің туған күнін ерек­ше атап өтті. Қала кү­ні­не арналған мәдени-көпшілік ша­ра­лар легі облыс әкімі Аман­дық Баталов бастаған қо­нақтардың Даңқ мемориалына гүл шоқтарын қою рә­сім­інен бас­талды.

Батырлар ерлігіне тағзым етіп, үнсіздікпен еске алған өңір басшысы және бір топ атқамінерлер қалалық әскери гарнизонының Қазақстан Рес­­­­публикасы Қарулы Күш­те­­рінде қолданыста тұрған қа­­ру-жа­рақ­тар мен әскери тех­­никалар қойылған көр­ме­сін та­ма­ша­лады. Балалар көр­кем­­сурет мек­тебінің, этно­мә­дени бірлестік­тер­дің қолөнер және ас­паздық сонымен қатар кә­сіп­орын­дар­дың, шағын және орта биз­нес­тің, қала сәулетінің, коммунал­дық қызметтің, басқа да сала­лардың көрмелері қойы­лып, көп­шілік ерекше ықы­лас­пен та­машалады.

Мереке күніне орай тағам саласында еңбек етіп жүрген кә­сіпкерлер де өзінің сүбелі үле­сін қосты. Атап айтқанда, Қазақ хандығының 550 жыл­дығына арнайы диаметрі550 см. бола­тын пицца мен сал­ма­ғы 80 келі тартатын көлемді тәтті тағам әзір­леп, қала тұр­ғын­­дары мен қонақтарына те­гін үлестірілді. Орталық алаң­да «Әнші бала­пан», «Екі жұл­дыз» және «Мисс обаяшка» сынды байқаулардың қатысу­шы­лары өз өнерлерін көп­ші­лік­ке ұсынып, ыстық ықы­­ласқа бөленді. Мерекелік шара ор­та­лық стадионда жал­ға­сын тапты.

Бұл күні стадионға жиыл­ған жұртшылықтың қарасы көп бол­­ды. Осыдан-ақ, қала тұр­ғын­да­рының әрбір іске бей-жай қа­рамайтындығы аңға­ры­лады. Ша­раны облыс әкімі Амандық Бата­лов ашып, тал­ды­қорған­дық­тарды мерекемен құттық­тады:

- Елбасы Нұрсұлтан На­зар­­баевтың көреген саяса­ты­ның нәтижесінде Ұлт жос­пары «100 нақты қадам» бағ­дар­ламасы аясында қаржылық дағ­да­рысқа қарамастан елі­міз­де балабақша, мектеп, ау­ру­хана, тұрғын үйлер салы­нып, жолдар жаңартылуда. Соның ішінде Жетісудың кін­дік қа­ласы Тал­дықорғанның келбеті көз ал­ды­мызда жаңа­рып, жақ­са­рып келеді. Дана хал­қы­мыз­дың «Ырыс алды ынтымақ» деген аталы сөзі бар. Ха­лық­тың ын­ты­мағы, татулығы, бір-біріне деген құрметі - ел өркендеуінің ке­пілі. Мерейлі жылда той­ла­нып жатқан қа­ламыздың ту­ған күні құт­ты болсын! Әр шаңы­­раққа жақ­сылық, мол ба­қыт тілеймін, - деді өңір бас­шысы.

Еңбекпен еленген бір топ аға буын Талдықорған қала­сы­ның Құрметті азаматы ата­ғына ие болды. Мерекелік ша­ра қа­ла­ның үздік өнер ұжым­дары әзірлеген театрланды­рыл­ған көрініс пен гала кон­цертке жалғасты.

Қала күніне орайлас­ты­рылған кеш мерекелік от­ша­шу­мен аяқталды.