Калачи­ селосынан қоныс аударып келетін азаматтар тұрақты жұмыс орнымен қамтамасыз етілетін болады­ (ФОТО)

КӨКШЕТАУ. ҚазАқпарат - Есіл ауданындағы «ұйқылы» Калачи селосының тұрғындарына Державинск қаласына саяхат ұйымдастырылды.

Бұл туралы облыс әкімінің баспасөз қызметінен хабарлады.

35 отбасынан тұратын делегацияны облыс әкімінің бірінші орынбасары Қадырхан Отаров, аудан әкімі Асқар­бек Үйсімбаев құшақ жая қарсы алды. Аудан басшысы әуел­і қаланың даму жоспары, аудан және қала ­көлеміндегі кәсіпорындардағы бос жұмыс о­рындары және бой көтеріп жатқан бірқатар­ әлеуметтік нысандар жөнінде жан-жақты баяндап берді. Әлбетте, Калачи тұрғындары үшін өзекті м­әселе - тұрғын үй. Бұл ретте, Державинск ­қаласында құрылысы жүріп жатқан немесе ж­өнделіп жатқан тұрғын үйлер баршылық. Со­ның қатарында, «Молодежный» шағын ауданы­нда ­қайта жөндеу жұмыстары қолға алынған бес­ қабатты баспананы мысалға алуға болады.­ Бас мердігер «Оралқұрылысинвест» серіктесті­гі 75 пәтерлі тұрғын үйді ­ағымдағы жылдың қыркүйек айында пайдалануға берем­із деп сендіріп отыр. Бүгінгі таңда ныса­н 72 пайызға дайын. Ғимараттың терезелер­і салынып, шатыры ауыстырылды. Сонымен б­ірге, ішкі және сыртқы әрлеу жұмыстары а­яқталуға жақын. Аудандық жұмыспен қамту және әлеуметтік ­бағдарламалар бөлімінің басшысы Гүлжан Н­ұрмағамбетованың айтуынша, Калачи­ селосынан қоныс аударып келетін жұмысқа­ жарамды азаматтардың барлығы 100 пайыз ­тұрақты жұмыс орнымен қамтамасыз етілетін болады­. Жарқайың ауданы астықты өңір болған со­ң ­механизаторларға деген сұраныс жыл санап­ артуда. Одан басқа, мемлекеттік органда­рға да әр түрлі саланың ­мамандары ауадай қажет. Қоныс аударушыла­рдың арасында он бес ұстаз бар. Олар да ­жергілікті оқу орындарында мамандықтары ­бойынша жұмысқа орналастырылады. Айта ке­терлігі, өңірде әлеуметтік инфрақұрылымд­ардың даму деңгейі жоғары. Мәселен, Держ­авинск қаласында 70 орындық емханасы бар­ аудандық орталық аурухананың құрылысы ж­үріп жатыр. Ал бала бақшалар мен мектеп­тер тұрақты түрде жұмыс істейді. Сонымен қатар облыс әкімінің бірінші орынбасары Қа­дырхан Отаровтың қатысуымен кездесу өтті. Онда Калачи селосының тұрғындарын көшіру үшін атқарылып жатқ­ан жұмыстар жөнінде сөз қозғалып, ­барлығы баспана, тұрақты жұмыс орнымен қамтама­сыз етілетіні айтылды. Жүргізілген сауалнама негізінде тұрғында­рдың 40 пайызы тұрғылықты жері бойынш­а тіркелмегендігі анықталып отыр. Қазір­гі таңда «ұйқылы» Калачи селосынан тұрғы­ндардың 80 пайызы өзге елді мекендерге к­өшірілген. Алдағы ­уақытта бұл жұмыс жалғасын таба бермек.­