Қарағанды облысында ауа райына байланысты жолдар жабылды

ҚАРАҒАНДЫ.  Желтоқсанның  22-сі. ҚазАқпарат /Валентина Елизарова/ -  Қарағанды  облысында    ауа райына байланысты    бірқатар бағыттағы   көлік  қозғалыстары   жабылды, 

деп  хабарлады  облыстық    төтенше жағдайлар департаментінен.

Атап айтқанда,  «Қарағанды-Балқаш»  және  «Атасу-Жезқазған»   жолдарының  учаскелері     көліктің  барлық түрі  үшін жабылса,  «Қарағанды-Астана»     жолы - жолаушылар көліктері  үшін жабылды.

«Қазгидромет»  орталығының       мәліметі  бойынша,  желтоқсанның 22-23-і күндері   Қарағанды  облысының аумағында   қар жауады,  боран болады. Тұман түсіп, көктайғақ    болуы ықтимал.   Солтүстік-шығыстан     секундына 9-14 метр  жылдамдықпен    жел соғады,   кей  жерлерде  оның екпіні  20 метр/секундқа дейін жетуі  мүмкін.  Ауа температурасы түнде  25-30 градусты, күндіз -15-20 градусты шамалайды.