Қарағандыда Құрбан айт күндері мал сойылатын жерлер белгіленді

ҚАРАҒАНДЫ. 22 қазан. ҚазАқпарат - Қарағандыда Құрбан айт күндері құрбандық шалынатын арнайы жерлер белгіленді. Бұл туралы қала әкімдігінен хабарлады.

«Санитарлық-эпидемиологиялық нормалар мен талаптарды сақтау мақсатында Құрбан айтты мерекелеу күндері құрбандық шалу арнайы белгіленген орындарда жүргізілетін болады. Мал сою екі жерде: Октябрь ауданындағы Бала қажы мешітінің жанында және Қазыбек би атындағы ауданда - қаланың оңтүстік-шығыс бөлігіндегі алаңқайда, «Магнум» дүкенінің қасында өткізіледі», - деп хабарлады Қарағанды әкімдігінен.

Әкімдікте атап өткендей, арнайы белгіленген алаңдарда мал союға арналған барлық жағдай жасалады. Шатырлар, контейнер, тұғырықтарды құру, судың жеткізілуін ұйымдастыру жоспарлануда.

Мұсылмандардың ең үлкен мерекесі - Құрбан айт алдағы жұма, 26 қазан күні басталады.