Қарағандыда күй фестивалі өтті

ҚАРАҒАНДЫ. ҚазАқпарат - Қарағандыда алғаш рет күй фестивалі өтті.

Шара Қазақстан тәуелсіздігінің 25 жылдығы мен қоғам қайраткері Әлихан Бөкейхановтың 150 жылдығына арналды.

Мәдени шара халықтық өнерге табынушылардың басын қосты. Қазақтың белгілі күйші-композиторлары Тәттімбет, Құрманғазы, Аққыз шығармалары орындалды.

«Жеті жастан домбыраның құлағында ойнаймын. Қазір «Жас Өркен» ансамблінің құрамында жұмыс істеймін. Репертуарымда шамамен 30 күй бар. Алдағы уақытта оның саны артады деп ойлаймын», - деді жас күйші, көптеген республикалық және халықаралық байқаулардың қатысушысы Диана Әбеуова.

Фестиваль ұйымдастырушылары аталған шараны игі дәстүрге айналдыруды жоспарлап отыр.