Қарағандыдағы музыкалық мектепке бомба қойылғандығы туралы хабар расталған жоқ

АСТАНА. Маусымның 4-і. ҚазАқпарат - Қарағандыдағы музыкалық мектепке бомба қойылған деген хабар жалған болып шықты,

деп хабарлайды ҚазАқпарат Төтенше жағдайлар министрлігіне сілтеме жасап. Кеше сағат 16.25-те Ішкі істер департаментінің пультіне Крылов көшесіндегі музыкалық мектептің үш қабатты ғимаратына жарылғыш құрылғының қойылғандығы туралы анонимді хабар келіп түсті. Оқиға салдарынан 27 адам дереу көшірілді.Жүргізілген арнайы шаралардың барысында ешқандай бомба табылған жоқ.